“ იმ მომენტში, როდესაც შევიტყვე, რომ გავხდი თამაზ ბექაიას საგანმანათლებლო ფონდის ერთ-ერთი სტიპენდიატი, პირველი ემოცია, რაც დამეუფლა, ეს იყო ბედნიერება და შემდგომ უკვე გაცნობიერება იმისა, რომ შრომა ყოველთვის ფასდება. მსურს, კიდევ ერთხელ, გამოვხატო მადლიერება ამ ფონდის მიმართ და აღვნიშნო, რომ ისინი ერთ-ერთი ძირითადი მოტივატორები არიან სტუდენტებისათვის, სწორედ ამგვარი წახალისებების გამო. რაც შეეხება ჩემს მთვარ მოტივაციას, ეს არის მუდმივი განვითარებისკენ სწრაფვა, სიახლეების ძიება, როგორც პიროვნული, ასევე კარიერული თვალსაზრისით. “

“ სიახლის შეტყობისას მქონდა სიხარული და განცდა იმისა, რომ ამ ქვეყანაში არსებობს ხალხი, ვინც განათლებას აფასებს. ჩემი მიზანია თვითრეალიზაცია და სამყაროს უკეთესკობისკენ შეცვლაში თუნდაც მცირედი წვლილის შეტანა. “

“ სრულიად მოულოდნელი იყო ჩემთვის, სამშენებლო ფაკულტეტზე, იმ ერთადერთ წარჩინებულ სტუდენტად დასახელება, რომელიც თამაზ ბექაიას საგანმანათლებლო ფონდის სტიპენდიატი გახდებოდა. თანაც როგორც უკვე ითქვა, ფონდთან ერთად აღვნიშნე დაბადების დღეც. ფონდის სტიპენდია კი იყო ზუსტად ის ჯადოსნური საჩუქარი, რომლის მიღებასაც ალბათ ბევრი ადამიანი იოცნებებდა. ამ ფაკულტეტზე სწავლის მთავარი მოტივაცია, ჩემთვის, არის უსაყვარლესი ბაბუა და მისი სადიპლომო ნამუშევარი - 300 არაგველების ძეგლი. თამაზ ბექაიას ფონდი კი ნათელი წერტილია ყველა იმ სტუდენტისათვის, რომელიც შრომობს, იბრძვის, სწავლობს და ცდილობს, გამოიყენოს შესაძლებლობების მაქსიმუმი, იმისათვის რომ მიაღწიოს დასახულ მიზნებს. ასეთი სტუდენტებისთვის სწავლის წახალისებაზე დიდი მოტივაცია უბრალოდ არ არსებობს. “

“ ფინანსური მხარდაჭერა, პანდემიის პერიოდში, განსაკუთრებით სასიამოვნოა. მნიშვნელოვანია, როდესაც სტუდენტი ხელშეწყობას და მხარდაჭერას გრძნობს. თამაზ ბექაიას საგანმანათლებლო ფონდი კი ნამდვილად აძლევს მოტივაციას, მაღალი აკადემიური მოსწრების სტუდენტებს, გახდნენ თავიანთი სფეროს კონკურენტუნარიანი პროფესიონალები. “