ივანე ჯავახიშვილის სახელობის თბილისის სახელმწიფო უნივერსიტეტი

“ ყველაზე საოცარი გრძნობა იყო, როცა შემატყობინეს, რომ მე გავხდი ის, ყველაზე იღბლიანი სტუდენტი, რომელსაც ეს ბედნიერება ხვდა წილად. თქვენი დახმარებით დავიჯერე, რომ არსებობენ საოცარი ადამიანები, რომლებიც სხვის ბედნიერებაზე ზრუნავენ. მადლობა ამ შესაძლებლობისთვის, წახალისებისა და მოტივაციისთვის, რომ მეც შევცვალო და გავაუმჯობესო სხვების ცხოვრება. ჩემთვის, ყველაზე დიდი მოტივაცია არის მომავლის იმედი და იმაზე ფიქრი, რომ არავინ დაბადებულა წარმატებულად. წარმატების მისაღწევად, შრომაში, გატარებული დრო არის დიდი ბედნიერება ჩემთვის. ადამიანი გადის რთულ და გამოწვევებით სავსე გზას, რომლის წარმატებით გავლაც არის ყველაზე სასიამოვნო. იფიქრეთ ამაზე და როცა წინააღმდეგობები დაგღლით ან შეგაშინებთ,იცოდეთ - მარტო არ ხართ, ყველაზე წარმატებულებმაც კი ნულიდან დაიწყეს. ”

“ ემოციების მოზღვავება მაქვს მთელი დღეა. შემოვიდა უცხო ზარი... უცებ შეტყობინებაც "თსუდან გიკავშირდებით, გვიპასუხეთ." პასუხი არ დავაყოვნე და გავიგე, რომ მე ვარ ის, იღბლიანი სტუდენტი, რომელიც თამაზ ბექაიას საგანმანათლებლო ფონდის სტიპენდიატი გახდა! კიდევ ერთი წინ გადადგმული ნაბიჯი წარმატებისკენ. ჩემთვის ეს უდიდესი მოტივაციაა. ჩემთვის უმთავრესი სწავლა, წინსვლა, წარმატება და მუდმივად საინტერესოს ძიებაა. ამ ფონდმა კი მომცა მოტივაცია, ეს ყველაფერი გავაორმაგო და უფრო დიდი შედეგები დავდო. უღრმესი მადლობა, ამ ფონდს, იმისთვის, რომ განათლებას აფასებს! მივესალმები და წარმატებებს ვუსურვებ მათ. ”

“ სიმართლე გითხრათ, მეილის წაკითხვისას ვერ დავიჯერე ეს ინფორმაცია. თუმცა, მოგვიანებით, ჩემს ცხოვრებაში ერთ-ერთი ყველაზე მოულოდნელი და სასიხარულო ამბავი აღმოჩნდა, სწორედ მაშინ, როდესაც ყველაზე მეტად მჭირდებოდა მოტივაცია. ვფიქრობ, ყველაზე დიდ მოტივაციას საყვარელი ადამიანებისგან ვიღებ. იმედი მაქვს, მათი დახმარებით, ერთ დღეს, ჩვენი ქვეყნის ერთ-ერთი საუკეთესო სპეციალისტი ვიქნები ჩემს სფეროში. “

“ ფინანსური მხარდაჭერა, პანდემიის პერიოდში, განსაკუთრებით სასიამოვნოა. მნიშვნელოვანია, როდესაც სტუდენტი ხელშეწყობას და მხარდაჭერას გრძნობს. თამაზ ბექაიას საგანმანათლებლო ფონდი კი ნამდვილად აძლევს მოტივაციას, მაღალი აკადემიური მოსწრების სტუდენტებს, გახდნენ თავიანთი სფეროს კონკურენტუნარიანი პროფესიონალები. “