"წინსვლისა და წარმატების გზა მიზნის დასახვასა და მისკენ შეუჩრებლად სვლაშია. მთავარია, დაისახო მიზანი და მისკენ შეუჩერებლად, შეუპოვრად იარო, შრომა კი აუცილებლად გამოიღებს შედეგს, რომელიც შენს ცხოვრებას წარმატებულად აქცევს."

,,მოძრაობა და მარტო მოძრაობა არის, ჩემო თერგო , ქვეყნის ღონისა და სიცოცხლის მიმცემი'' - თითოეული სტუდენტის მოძრაობა ხელს უწყობს ქვეყნის წინსვლას, მოტივაციის გაზრდასა და იმედის წარმოშობას სტუდენტთა გულებში, რომელსაც შეუძლია სამყაროს უკეთესობისკენ შეცვლა"

"საგანმანათლებლო ფონდის დამსახურებით მრავალ სტუდენტს ეძლევა საშუალება უკეთ განვითარდეს შერჩეულ სპეციალობაში და მიაღწიოს დასახულ მიზანს, ეს კი ჩვენი ქვეყნისთვის ძალიან მნიშვნელოვანი საკითხია."

"სტიპენდიისკენ მომავალი გზა არც თუ ისე მარტივად მეჩვენება, გამოწვევები და დაბრკოლებები ნუ შეგაფერხებთ, სწორედ ეს უნდაიქცეს თქვენთვის მომავალში მოტივაციად."

"სტიპენდიის გაცემის ფორმა ყველა სტუდენტს უბიძგებს პირველობისკენ ,ამიტომ ფონდმა მომცა მეტი აქტივობის მოტივაცია და ასევე საშუალებას მაძლევს სამომავლო მიზნების მიღწევაში. "

"როგორც აგრონომიის სტუდენტისთვის, მრავალგზის სტიპედიატობამ მნიშვნელოვნად შემიცვალა ხედვა. თავიდან უფრო თეორიულ ცოდნაზე ვიყავი ორიენტირებული, თუმცა დროთა განმავლობაში გავაცნობიერე, რომ ჩემი სფერო პირდაპირ უკავშირდება ქვეყნის განვითარებასა და სურსათის უსაფრთხოებას. ყველაზე მნიშვნელოვანი, რაც ვისწავლე, არის პასუხისმგებლობა — ცოდნის გამოყენება პრაქტიკაში და მუდმივი განვითარება"