სსიპ ცაგერის მუნიციპალიტეტის სოფელ ლუხვანოს საჯარო სკოლის პროექტის მიზანია, შეისწავლონ სოფლის ისტორია, შეეცადონ უძველესი ტრადიციების აღორძინება, ეთნო კუთხის მოწყობით შექმნან ტურისტებისათვის საინტერესო ლეჩხუმური გარემო, ამით ხელი შეუწყონ ეკოტურიზმის განვითარებას , ხორბლისა და ლეჩხუმის მხარის პოპულარიზაციას.
პროექტის ფარგლებში მოძიებულ იქნა მასალები ,,მახასა“ და ,,ზანდურის’’ შესახებ . ,,მახა’’-მატერიალური კულტურის უნიკალური ძეგლია . ,,ზანდური ‘’- კი ხორბლის პრეისტორიული კულტურის უნიკალური ძეგლი . შესწავლილ იქნა, რომ მახა ნიადაგის მიმართ ნაკლებ მომთხოვნი პურეულია.
პროექტის განხორციელების შედეგად:
- სადემონსტრაციო ნაკვეთზე ვადების დაცვით დაითესება ,,მახა’’ და ,,ზანდური ‘’.
- მოეწყობა ეთნოკუთხე , სადაც თავი მოეყრება უძველეს იარაღებსაც, რაც ხორბლის მოყვანისთვისაა აუცილებელი;
- მოეწყობა მთლიანი კომპლექსი – სადაც ტურისტებისათვის საინტერესო ლეჩხუმური გარემო შექიმნება, ამით ხელი შეეწყობა ეკოტურიზმის განვითარებას და ხორბლის პოპულარიზაციის გაზრდას.
