სსიპ მარნეულის მუნიციპალიტეტის სოფელ კაჩაგანის N1 საჯარო სკოლის პროექტის მიზანია, შეიქმნას ინკლუზიური, ინტერაქტიური სივრცე, რომელიც დაეხმარება არაქართულენოვან მოსწავლეებს: ქართული ენის უკეთ შესწავლაში პრაქტიკული და თანამედროვე მეთოდების გამოყენებით; სამოქალაქო განათლების გააზრებაში და მოქალაქეობრივი ღირებულებების განვითარებაში; სოციალური ბარიერების გადალახვაში, რაც ხელს შეუწყობს მათ სრულფასოვან ჩართულობას ქართულ საზოგადოებაში.
პროექტის ფარგლებში მოეწყობა თანამედროვე, ინკლუზიური და კომფორტული სივრცე, რომელიც აღიჭურვება: ადაპტირებული ლიტერატურით, ელექტრონული რესურსებითა და აუდიო-ვიდეო აპარატურით; მოსწავლეთა და მასწავლებელთა სამუშაო გარემოსთვის საჭირო ინფრასტრუქტურით.
პროექტის განხორციელების შედეგად:
- შეიქმნება თანამედროვე სივრცე, რომელიც სრულად აღჭურვილი იქნება მოსწავლეთა საჭიროებების დასაკმაყოფილებლად.
- გაიზრდება მოსწავლეთა ჩართულობა მოსწავლეები აქტიურად გამოიყენებენ სივრცეს ქართული ენის შესწავლისათვის.
- მოსწავლეებში გაჩნდება ღირებულებები, რომლებიც ეფუძნება დემოკრატიას, ადამიანის უფლებებს და თანასწორობას. ისინი დაინახავენ საკუთარ როლს როგორც აქტიური მოქალაქეები.
