სსიპ დმანისის მუნიციპალიტეტის სოფელ დიდი დმანისის საჯარო სკოლის პროექტი მიზნად ისახავს STEM მიმართულებით მოსწავლეთა ცოდნის გაღრმავებას, კრიტიკული აზროვნებისა და პრაქტიკული უნარების განვითარებას. სკოლაში დაგეგმილია STEM კლუბის ჩამოყალიბება და აქტიური მუშაობის დაწყება, რისთვისაც სკოლას სჭირდება თანამედროვე ლაბორატორიული აღჭურვილობა. პროექტის ფარგლებში დაგეგმილია ელექტრონული კომპონენტების, Arduino მიკროკონტროლერების, სხვადასხვა სენსორებისა და სხვა მასალების შეძენა, რაც მოსწავლეებს საშუალებას მისცემს, დამოუკიდებლად განახორციელონ ინოვაციური პროექტები.
პროექტის მიზანია, მოსწავლეებს მივცეთ საშუალება, გაიზარდონ ტექნოლოგიების სფეროში და გაძლიერდნენ ინჟინერიის, პროგრამირების და ელექტრონიკის მიმართულებებით. STEM კლუბი ხელს შეუწყობს გოგონების ჩართულობას, რაც განსაკუთრებით მნიშვნელოვანია რეგიონისთვის.
